Македонското Здружение на Спасители во Скијалишта (МЗСС) е волонтерска и непрофитна организација посветена на безбедноста и спасувањето во зимски услови. Нашиот тим е составен од обучени спасители кои интервенираат на скијалишта низ целата земја. Активно организираме едукации, тренинзи и обуки за зголемување на капацитетите и унапредување на стандардите за спасување. Преку нашата работа се стремиме кон создавање на безбедна средина за сите љубители на зимските спортови. МЗСС е полноправна членка на Меѓународната Федерација на Ски Патроли (FIPS), со што ги следи и применува највисоките светски стандарди во оваа област.